Байрам осорона ковидтан дарыуҙар етерлек тупланасаҡ

Ковидҡа ҡаршы көрәш буйынса оператив штабтың сираттағы ултырышында Башҡортостан Башлығы Радий Хәбиров республикала коронавирустан дарыуҙарҙың тейешле запасын тупларға ҡушты.

Ул, Башҡортостандың һаулыҡ һаҡлау системаһы Яңы йыл байрамдарына әҙер булыр тейеш, тип белдерҙе.

Роспотребнадзор һәм Башҡортостан Һаулыҡ һаҡлау министрлығы хәбәр итеүенсә, мәктәптәрҙә ҡышҡы каникулдар 31 декабрҙә башланасаҡ һәм 16 ғинуарҙа тамамланасаҡ. Шул осорға медицина учреждениелары етерлек дарыуҙар һәм кәрәкле материалдар менән тәьмин ителергә тейеш.

Фото "Башинформ"дан алынды.