Китеп барғанда тәгәрмәстәре ысҡынған

Хәрәкәт итеп барғанда автобустың тәгәрмәстәре ысҡынып киткән мәл төшөрөлгән видеоны соцаль селтәрҙәрҙә күрергә мөмкин.

Камераға эләккән хәл үткән ял көнөндә Өфөнөң Октябрь проспектында була. «Башавтотранс» предприятиеһына ҡараған автобустың китеп барғанда бер түгел ике тәгәрмәсе ысығына һәм ситкә тәгәрләй.

Автобус йәмәғәт транспорты өсөн тәғәйенләнгән һыҙаттан барған була. Тәгәрмәстәрҙең береһе йәнәш һыҙатҡа сығып китә. Бәхеткә күрә, хәрәкәт иткән автомашиналарға бәрелмәй.

Пассажирҙарҙың береһе лә зыян күрмәгән.