Республикаға 19 меңгә яҡын доза “Спутник Лайт” вакцинаһы килгән

Башҡортостанға 18 600  доза “Спутник Лайт” вакцинаһы килгән. “Спутник Лайт”  – бер компонентлы вакцина, йәғни уны бер генә прививка яһаталар. Шуны билдәләү мөһим: элек “Спутник Лайт” эшләткәндән һуң вакцинация хаҡында сертификатты шунда уҡ алһалар, хәҙер QR-код ғәмәлгә инһен өсөн 21 көн көтөргә кәрәк.

Әйткәндәй, Lancet халыҡ-ара медицина журналы Рәсәйҙең “Спутник Лайт” вакцинаһын һөҙөмтәле һәм хәүефһеҙ тип таныған һәм уны ревакцинация өсөн ҡулланырға тәҡдим иткән.