Тәүҙә шартлау тауышы ишетелгән

Бөгөн төндә фермер хужалығында янғын сыҡҡан. Ә унан тәүҙә шартлау тауышы яңғыраған.

Республиканың Ғәҙәттән тыш хәлдәр министрлығынан хәбәр итеүҙәренсә, ваҡиға Нуриман районының Яңы Күл ауылында булған. Ағас йорттағы газ баллоны шартлауы һөҙөмтәһендә сыҡҡан янғынға ҡотҡарыусылар ҡатмарлығы буйынса беренсе ранг биргән.

Утты һүндергән ваҡытта 57 йәшлек ирҙең үле кәүҙәһе табылған.

Әле ғәҙәттән тыш ваҡиға урынында тәфтиш төркөмө эшләй.