«Ҡурай даны» лайыҡлы замандаштарыбыҙҙы билдәләй

«Ҡурай даны» милли телепремияһы сиктәрендә заманыбыҙҙың төп геройҙарының исемдәре 3 декабрҙә киске сәғәт 7-лә «Башҡортостан» дәүләт концерт залында тантаналы иғлан ителәсәк.

Телепремия 2018 йылда «Ҡурай-ТВ» йыр-моң телеканалы башланғысы менән булдырылды. Уның төп маҡсаты - үҙ эшендә уңышҡа өлгәшкән замандаштарыбыҙҙы асыҡлау һәм башҡаларға танытыу, шулай уҡ башҡорт телен, үҙенсәлекле һәм хәҙерге мәҙәниәтте пропагандалау, һаҡлау һәм популярлаштырыу, халыҡ традицияларын, һөнәрҙәрен үҫтереү.

2020–2021 йылдарҙа телепремияға 45 ҡатнашыусы — «Ҡурай» телеканалы тамашасылары тәҡдим иткән замандаштарыбыҙ күрһәтелгән.

Быйыл «Ҡурай даны» телепремияһы 9 номинацияла уҙғарыла:

«Ер кешеһе»,

«Һөнәр оҫтаһы»,

«Эшлекле ханым»,

«Ҡул оҫтаһы»,

«Ижади ғаилә»,

«Миһырбанлы ғаилә»,

«Спорт ғаиләһе»,

«Йыл тренеры»,

«Йыл режиссеры».

«Ҡурай даны» көмөш миҙалы хужаларын телетамашасылар һайлай — еңеүселәр интернетта тауыш биреү юлы менән билдәләнә.

https://bash.news/konkurs/kuraj-dany  һылтанмаһы буйынса яратҡан номинантығыҙ өсөн ТАУЫШТАР БИРЕГЕҘ!