“Торатау”ҙағы пунктта прививканы алдан яҙылып эшләтергә була

Һуңғы ваҡытта Өфөлә коронавирусҡа ҡаршы прививка эшләтергә теләүселәр артты. Өфөләргә уңайлы булһын өсөн, “Торатау” Конгресс-холындағы вакцинация пунктында прививка эшләтеүгә алдан яҙылыу ойошторолған.

Хәҙер вакцинаны мобиль пунктҡа килеп, шунда уҡ яһатырға ла, 224-93-03 телефоны буйынса шылтыратып, үҙең өсөн уңайлы ваҡытҡа яҙылып ҡаҙатырға ла мөмкин. Үҙең менән паспорт һәм СНИЛС булыуы мотлаҡ.

Вакцинация пункты ял көндәрһеҙ, иртәнге туғыҙҙан киске етегә тиклем эшләй.