Ағиҙел аша аркалы күпер өс йылға реконструкцияға ябыла

Кисә, 8 ноябрҙә, республика хөкүмәтендә үткән оператив кәңәшмәлә Башҡортостан Башлығы Радий Хәбиров Ағиҙел аша аркалы күперҙең өс йылға реконструкцияға ябылыуы тураһында хәбәр итте.

1 ноябрҙә Ағиҙел аша 688,8 метр оҙонлоғондағы яңы күпер сафҡа индерелгәйне. Төҙөүселәр белдереүенсә, ул 100 йыл хеҙмәт итәсәк. Ә йәнәшәлеге 1956 йылда төҙөлгән аркалы күпергә реконструкция талап ителә. 

«Беҙ уны өҫтәлмә күперҙән оҙағыраҡ, өс йылға яҡын эшләрбеҙ. Бәлки, ваҡытын ҡыҫҡартырбыҙ. Был – ҙур күләмле эш», – тине Радий Хәбиров.