Атҡа төкөгән

Йылдың был миҙгелендә, көндәр ҡыҫҡарған, ә мал әле ҡураға инмәгән мәлдә, һыйыр-аттарға бәйле юл-транспорт ваҡиғалары йыш булып тора.   

Эске эштәр министрлығының республика буйынса ЮХХДИ идаралығынан хәбәр итеүҙәренсә, сираттағы шундай ваҡиға кисә төндә Федоровка районында теркәлгән. Мәләүез-Федоровка автомобиль юлының 38-се саҡрымында «Лада Гранта» рулендәге 19 йәшлек егет атты төкөткән дә юл ситенә сығып осҡан.

Фажиғәлә малҡай һәләк булған, ә водитель дауаханаға оҙатылған.