Күп функциялы үҙәк аша ла мәғлүмәт биреп була

Бөтә Рәсәй халыҡ иҫәбен алыуҙа ҡатнашырға теләгәндәр Күп функциялы үҙәккә лә мөрәжәғәт итә ала.

Күп функциялы үҙәктә теркәлгән саҡта алдан яҙылыу талап ителмәй, сират буйынса иҫәпкә алыуҙа ҡатнашырға мөмкин. Унда эшләгән иҫәпкә алыусылар халыҡҡа иҫәп алыуҙа ҡатнашыуҙың мөһимлеген аңлата һәм “Дәүләт хеҙмәте” порталы аша һорауҙарға яуап бирергә ярҙамлаша.  

Шулай итеп, Бөтә Рәсәй халыҡ иҫәбен алыуҙа ҡатнашыусылар 14 ноябргә тиклем Күп функциялы үҙәккә мөрәжәғәт итә ала.