Сибайҙа һәм төньяҡ-көнбайыш төбәгендә ике ковид-госпиталь төҙөлә

Әбйәлил районына эш сәфәре барышында Республика Башлығы Радий Хәбиров Сибай һәм Октябрьский ҡалаларында йәнә ике ковил-госпиталь төҙөлөшө башланыуы тураһында белдергәйне.

Бөгөн Хөкүмәт кәңәшмәһендә Премьер-министр Андрей Назаров был эшкә әҙерлек барышы тураһында һөйләне. “Сибайҙа төҙөлөш урынын хәл иттек. Октябрьский ҡалаһында уңайлы урын булмай сыҡты. Шуға күрә был агломерация өсөн, моғайын, Туймазы эргәһе ҡулай булыр. Шаршамбы көнө конструкцияларҙы ултыртыр майҙан билдәле буласаҡ. Аҡса бар. Финанс минстрлыҡ менән уның сығанаҡтарын билдәләйбеҙ.  Аҙна аҙағына төҙөлөш башланырға тейеш”, – тине ул.