Ялда йылы көндәр көтә

Синоптиктар хәбәр итеүенсә, республикала алдағы ялдарҙа йылы һауа торошо көтә. 

23 октябрҙә урыны менән ҡыҫҡа ваҡытлы ямғыр, ел көньяҡ-көнбайыштан талғын иҫәсәк, урыны менән киҫкен буласаҡ.

Һауа температураһы төндә 3-8 градус йылы, көндөҙ — плюс 9-14 градус торасаҡ.

24 октябрҙә төндә урыны менән ҡыҫҡа ваҡытлы ямғыр көтөлә, көндөҙ ҙә яуым-төшөм күҙаллана.  Ел көньяҡ-көнбайыштан талғын.

Һауа температураһы төндә 2-7 градус йылы, көндөҙ— плюс 5-10 градус.

Бөгөн республикала көндөҙ бер аҙ ямғыр яуасаҡ. Ел көньяҡ-көнбайыштан талғын, урыны менән көсәйеүсән.

Көндөҙ 6-11 градус йылы торасаҡ.