Барселона ла башҡорт моңо яңғыраны

Барселона янындағы Матаро ҡалаһында халыҡтарҙың этник мәҙәниәте фестивале үтте. Унда башҡорт бейеүҙәре, йырҙары, музыка ҡоралдары менән Башҡортостандан сыҡҡан милләттәштәребеҙ ҙә  сығыш яһаны.

Башҡортостан диаспораһы Испанияның Барселона, Севилья, Сарагосы ҡалаларында бар. Ситтә йәшәүсе ватандаштарыбыҙ даимә рәүештә урында үткән фестивалдәрҙә, байрамдарҙа ҡатнаша һәм башҡорт моңо, бейеүҙәре, музыка ҡоралдары менән таныштыра.

• Испан халҡы төрлө мәҙәниәттәрҙе ыңғай ҡабул итә, бик ихлас халыҡ. Сәнғәт теле бөтә сиктәрҙе алып ташлай. Мин ситтә йәшәһәм дә  башҡаларҙы халҡымдың традициялары, мәҙәниәте менән таныштыра алыуыма бик шатмын, - ти Барселонала ла йәшәүсе Гөлгенә Ғәйнуллина.

Гөлгенә үҙе Әбйәлил районы ҡыҙы, күп йылдар Испанияла йәшәй һәм яҡташтар ойошмаһын төҙөгән.