Балалар ут төрткән

Янғын тураһында иҫкәртеү приборы ҡысҡырыуына ғаилә өйҙән сығып өлгөрә.

Шишмә районының Ҡаран-Йылға ауылында шәхси йорт янып китә. “Система-112” шылтыратыуҙарҙы эшкәртеү үҙәгенә килеп еткән сигнал буйынса янғын һүндереүселәр урынға барып етә. Был ваҡытта ут йортто ялмап алған була.

Асыҡланыуынса, балалар һалам үртәй, ут яҡындағы өйгә тоҡана. Янғын һөҙөмтәһендә кешеләр һаулығына зыян килмәгән.