Тәгәрмәстәрҙе ваҡытында алмаштыр

Ғәҙәттән тыш хәлдәр хеҙмәтенән белдереүҙәренсә, Башҡортостанда ҡар ҡатыш ямғыр көтөлә, юлдарҙың айырым урындарына боҙлауыҡ ятыуы ихтимал.

Синоптиктар аныҡлауынса, тотороҡһоҙ һауа торошо башлыса республиканың көньяҡ-көнсығышы райондарында күҙәтелә. Был райондарҙа көндөҙ ҡар ҡатыш ямғыр, кискеһен юлдарҙа боҙлауыҡ көтөлә.  Ел төньяҡ-көнсығыштан төндә 5-10 м/с, көндөҙ 8-13 м/с тиҙлеккә етәсәк, урыны менән 18 м/с буласаҡ. Һауа температураһы төндә -2,+3, көндөҙ +2,+7 градусҡа етәсәк. Юлдарҙың айырым урындарында 1-2 саҡрым арала күреү мөмкинлеге кәмейәсәк.

Ғәҙәттән тыш хәлдәр хеҙмәте водителдәргә хәүефһеҙ тиҙлек режимында йөрөргә кәңәш итә. Шулай уҡ автомобилдең йәйге тәгәрмәстәрен ҡышҡы комплектҡа алмаштырыу кәрәклеге тураһында иҫкәртә.