Тел өйрәнеүҙә милләттәштәргә ярҙам

Өфөлә Рәми Ғарипов исемендәге беренсе һанлы интернат-гимназия базаһында Рәсәй төбәктәрендә башҡорт телен өйрәнеүҙе яҡлау үҙәге асылды.

Үҙәк башҡорт теле һәм әҙәбиәте уҡытыусылары,  башҡорт йәмәғәт ойошмалары вәкилдәре, өҫтәмә белем биреү учреждениелары педагогтарына  мәғлүмәти, фәнни- методик, консультация ярҙамы өсөн төҙөлә.  Төбәк үҙенсәлектәрен иҫәпкә алып төҙөлгән шәхси программаның авторҙары 1-се һанлы БРГИ уҡытыусылары. Улар онлайн- дәрестәр, мастер-кластар һәм интерактив күнекмәләр үткәрәсәк, методик ярҙам күрһәтәсәк.

Был проектты тормошҡа ашырыу өсөн мәктәп партнерҙар булып Татарстанда, Силәбе өлкәһендә һәм Ханты- Мансы өлкәһендә урынлашҡан мәктәптәр сығыш яһай.

Беренсе дәрес рәсми асылған көндө, йәғни 8 октябрҙә үткәреләсәк.