Дистанцион режимға күсеүсе мәктәптәр арта

Өфөнөң йәнә 19 мәктәбе ситтән тороп уҡыуға китәсәк. Быға тиклем дә баш ҡаланың 51  мәғариф учреждениеһы 14 көнлөк дистанцион белем алыуға ебәрелгәйне.

Был хаҡта Өфө ҡалаһы хакимиәтенән хәбәр иткәндәр. Дистанцион режимға ебәреләсәк мәктәптәрҙең исемлеге бар. Улар 102-се һанлы башҡорт,65-се татар гимназиялары, 91-се, 115-се гимназиялар,1-се, 42-се , 107-се лицейҙар ,26-сы,29-сы, 53-се, 69-сы белем биреү үҙәктәре һәм 4-се, 24-се,34-се, 37-се, 80-се, 98-се, 100-се,129-сы мәктәптәр.

Мәғлүм булыуынса, 24 сентябрҙән 51 мәктәп дистанцион режимға киткәйне. Өфөнөң 128 мәктәбенән 70 учреждение ситтән тороп уҡыуға ебәрелгән.