Көндәр боҙола, епшек ҡар яуа

Ғәҙәттән тыш хәлдәр хеҙмәте бөгөн көндөң боҙолоуы тураһында иҫкәрткәйне.

Әле иртәнән ел уйнай. Ул урыны менән секундына15-20 метрға тиклем көсәйеүе ихтимал. Ҡыҫҡа ваҡытлы ямғыр көтөлә, көндөҙ +5°, +10° тиклем йылыта.

Иртәгә, 28 сентябрҙә, ямғыр һәм епшек ҡар яуа, тип фаразлана. Таулы һәм көнсығыш райондарҙа юлға боҙ туңыуы ихтимал. Ер өҫтөндә төндә температура -1°, -6° була, көндәҙ һауа +5°, +10° тиклем йылына.