Ҡала маршруттарына яңы автобустар сыҡты

Өфө ҡала маршруттарына өҫтәмә 60 автобус сыҡты. Улар ҙур ихтыяж менән файҙаланған йүнәлештәрҙе хеҙмәтләндерә.

Яңы “НефАЗ” һәм “Вектор NEXT”  автобустары 51-се, 69-сы, 75-се, 39-сы, 30-сы, 30к маршруттарында йөрөй, шулай уҡ ҡала яны ауылдарына сыға. ”Уларҙың һәр береһе пассажирҙар ағымын иҫәпләгән датчиктар менән йыһазландырылған. Хеҙмәткәрҙәребеҙ етерлек, граждандарҙың мөрәжәғәттәре менән әүҙем эшләйбеҙ,”– ти “Башавтотранс”  предприятиеһының ҡала пассажирҙар ташыуын ойоштороу бүлеге начальнигы Татьяна Зубенко.

Оҙаҡламай тағы ла 50 “НефАЗ” автобусы килеүе көтөлә. Дөйөм алғанда, “Башавтотранс” автопаркы лизинг буйынса алынған 220 яңы автобусҡа тулыландырыласаҡ.