Башҡортостан буйынса Ғәҙәттән тыш хәлдәр министрлығы көн торошоноң боҙолоуы хаҡында иҫкәртә

Башҡортостан буйынса Ғәҙәттән тыш хәлдәр министрлығы һауа торошоноң боҙолоуы хаҡында иҫкәртә — 25 сентябрҙә автомобиль юлдарының айырым участкаларында төндә һәм иртән томан төшөүе, 500 метрҙан күреү мөмкинлегенең кәмеүе көтөлә.

Синоптиктар мәғлүмәте буйынса, алдағы тәүлектә аяҙлы-болотло һауа торошо фаразлана. Урыны менән ҡыҫҡа ваҡытлы ямғыр. Ел көньяҡ-көнсығыштан, тиҙлеге секундына 9-14 метр. Һауа температураһы төндә +4, +9, урыны менән 0-гә тиклем, көндөҙ +13, +18 градус була.