Республикала - таҙалыҡ көнө

25 сентябрҙә Башҡортостанда таҙалыҡ көнө үтә.

Ул Бөтә донъя таҙалыҡ көнөнә бағышлана. Республиканың Экология министрлығында белдереүҙәренсә, Рәсәйҙең 70 төбәгендә һәм донъяның 150 илендә был көндө күләмле экологик акция ойошторола.

Башҡортостандың ҡала-райондарында өмә өсөн 700-ҙән ашыу майҙансыҡ билдәләнгән. Йәмәғәт институттарын, бизнесты, муниципалитеттарҙы, халыҡты бер командаға туплап, республика #ЭШЛӘРБЕҘ2021 экологик акцияһында ҡатнаша. Башҡортостан тәбиғәттән файҙаланыу һәм экология министрлығы барыһын да коллегалары, ғаиләһе, дуҫтары менән урамға сығып, тирә-йүнде таҙартырға саҡыра.