«Лада Гранта» водителе һәм пассажиры һәләк булған

«Лада Гранта» ҡаршыға килгән Volvo Trucks йөк машинаһы менән бәрелешкән.

Фәжиғәле юл-траспорт ваҡиғаһы төнөндә Учалы районында Белорет — Учалы — Мейәс автомобиль юлының 137-се саҡрымында була. Йөк машинаһына 49 йәшлек Силәбе кешеһе идара иткән.

Юл фажиғәһендә еңел автомобилдең 24 йәшлек водителе һәм 30 йәшлек пассажиры алған йәрәхәттәрҙән йән биргән. ЮХХДИ хеҙмәткәрҙәре ваҡиға сәбәптәрен асыҡлай.