Республикала аномаль һалҡын һауа торошо 29 йыл элекке рекордты уҙып китте

Башҡортостанда аномаль һалҡын һауа торошо 29 йыл элек теркәлгән рекордты уҙып китте.

Башгидрометүҙәк мәғлүмәттәре буйынса, 21 сентябрҙә төндә Өфө-Дим аэрологик станцияһында һауа температураһының абсолют минимумы теркәлгән, ул -2,3 градус тәшкил иткән. 1992 йылда был көндө минималь һауа температураһы -2,2° булған.

Дөйөм алғанда, республикала уҙған төндә минималь һауа температураһы -8 градусҡа тиклем төшкән.