Ковид менән сирләүселәр – ете меңгә яҡын

Бөгөнгө көндә республикала коронавирус менән ете меңгә яҡын кеше кеше ауырый. 6 074-е участка табибы күҙәтеүе аҫтында өйөндә дауалана. 671-е дауаханала ята, 45-енең хәле ауыр, 11-е – яһалма һулыш аппаратында.

20 сентябргә ҡарата ковид йоҡтороусыларҙың дөйөм һаны – 63 200. Тәүлек эсендә 320 ауырыу өҫтәлгән.

Кисәле-бөгөнлө 110 кеше дауахананан сыҡҡан. Һауығыусылар йәмғеһе – 55 032.

Ҡыҙғанысҡа ҡаршы, инфекция ҡорбандары көн һайын күберәк була бара. Аҙаҡҡы 24 сәғәттә 17 үлем осрағы теркәлгән. Вафат булыусылар һаны 1 423-кә еткән.

Дауахананан тыш пневмония менән ауырыусылар ҙа арта. Үпкә ялҡынһыныуы үткән тәүлектә 145 сырхауҙа асыҡланһа, унан сәләмәтләнеүселәр – 129.

Коронавирусҡа ҡаршы вакцинаның беренсе компонентын яһатыусылар – 1 251 730, икенсеһен дә ҡаҙатыусылар – 1 138 538.