Республикала өҫтәмә һайлауҙар ҙа үтә

Башҡортостанда Дәүләт Думаһына һайлауҙар менән бер рәттән республика парламентының һәм урындарҙағы советтарҙың депутаттар составы тулылана.

Атап әйткәндә, өҫтәмә һайлау 29-сы Толбазы, 43-сө Краснохолмск һәм 55-се Беүә һайлау округтары буйынса республика Дәүләт Йыйылышы – Ҡоролтайға, шулай уҡ Өфө, Бөрө һәм Белорет ҡала советтарына, ҡайһы бер ауыл советтарына үтә.

Барлығы 175 һайлау кампанияһы барышында кандидаттар 312 мандат өсөн көрәшә.

Фото "Башинформ" мәғлүмәт агентлығынан.