+20 °С
Болотло
Бөгөн, 17 сентябрҙә, Рәсәйҙә Дәүләт Думаһына депутаттар һайлау буйынса тауыш биреү башланды. Башҡортостанда иртәнге 8.00 сәғәттә барлыҡ һайлау участкалары ла үҙ ишеген асты.
Республикала 3 403 һайлау участкаһы эшләй. Улар шулай уҡ дауаханаларҙа, һаҡ аҫтында тотоу урындарында, шифаханаларҙа, вокзалдарҙа, ҡарттар йорттарында асылған. 272 тораҡ урында 30 мең граждан күсеп йөрөгән автобус-участкаларҙа үҙ тауышын бирә ала.
Билдәле булыуынса, һайлауҙар өс көн дауамында – 17, 18 һәм 19 сентябрҙә үтә. Республика буйынса 3 миллиондан ашыу кеше һайлау хоҡуғына эйә. Уларҙың 43 меңе тауыш биреүҙә тәүге тапҡыр ҡатнаша.