Матурлыҡ донъяны ҡотҡарыр

Бәләбәй ҡалаһының Үҙәк мәҙәниәт йортонда “Аһ, ханым... Һеҙгә матур булыу килешә!” тип аталған концерт үтте.

#миллипроект #национальныепроекты #нацпроекты #нацпроектыБашкортостан 

 “Паяц” эстрада миниатюралары халыҡ театры тамашасыларға “тере” музыка, йырҙар, миниатюралар бүләк итеп, күңелен күтәрҙе. Театрҙың етәксеһе “Мәҙәниәт” милли проекты сиктәрендә белемен камиллаштырҙы, тип хәбәр итә Бәләбәй районы хакимиәтенең мәғлүмәт-аналитика бүлеге.

“Сәләмәт тормош рәүеше – оҙон ғүмер һәм бәхетле тормош нигеҙе. Мәҙәни сараларға бүлгән ваҡыт та һаулыҡҡа ыңғай йоғонто яһай. Концерттан тамашасылар яҡшы кәйеф, ыңғай энергия алып ҡайта”, – ти мәҙәниәт йорто методисы Эльза Арыҫланова.

Сара  Сәләмәтлек һәм әүҙем оҙон ғүмерлек йылына арналды.

Фото – Бәләбәй районы хакимиәтенең мәғлүмәт-аналитика бүлеге.