Төбәктәрҙә ауыл хужалығы йәрминкәләре бара

Уҙған ял көндәрендә йәрминкәләр Иглин районында үтте. Унда Башҡортостан Башлығы хакимиәте, ведомство, район етәкселәре ҡатнашты. Сауҙа рәттәре буйлап үтеүселәр аҙыҡ- түлек хаҡтары менән ҡыҙыҡһынды, йәрминкәгә килеүселәр менән аралашты.

Иглин районында уҙған ауыл хужалығы йәрминкәһендә 33 ауыл хужалығы предприятиеһы ҡатнашты. Сауҙаға сығарылған төп продукция- бал , емеш-йәшелсә, ит продукциялары, һөт изделиелары һәм халыҡ кәсептәре тауарҙары булды.

• Урындағы сифатлы продукцияларҙы тәҡдим итергә һәм һатырға өйрәнеү мөһим. Бөгөн баҙарҙа урта һәм кесе эшҡыуарлыҡ вәкилдәренең һатыу итеүе ҡыуаныслы. Беҙ уларға артабан да һәр яҡлап ярҙам итергә тырышасаҡбыҙ,- тине йәрминкә эше менән танышырға килгән Республика Башлығы хакимиәте етәксеһе Александр Сидякин.

Ул шулай уҡ 2024 йылдарға тиклем Иглин районының социаль- иҡтисади үҫеше  буйынса юл картаһына ҡул ҡуйыласағын да хәбәр итте.