Ҡатын юғарынан үҙе ташланған, тип фараз итәләр

Өфө ҡалаһындағы күп ҡатлы йорттарҙың береһе алдында ҡатын кешенең үле кәүҙәһе табылған.

Ваҡиға Степан Злобин урамында була.

Был турала мәғлүмәт социаль селтәрҙәрҙә бирелгән.

Ҡатынға сама менән 40 – 45 йәштәр тирәһе. Ул бала арбаһы этеп барған йәш ҡатындың күҙе алдында ҡолап төшә. Шаһиттар 19-сы ҡатта ҡыҙыл төҫтәге шаҡмаҡ билдәһе таба.

Тәфтиш комитетынан белдереүҙәренсә, фажиғәле был осраҡта криминаль сәбәптәргә шик тыуҙырыу өсөн нигеҙ юҡ. Әле тикшереү бара.