Бөтмәҫ булды ла һуң был зәһәр сир!

Башҡортостан Һаулыҡ һаҡлау министрлығы хәбәр итеүенсә, республикала аҙаҡҡы тәүлектә коронавирус 304 ауырыуҙа асыҡланған. Яһил сирҙе йоҡтороусыларҙың дөйөм һаны – 59 467. Шуларҙың 52 961-е һауыҡҡан, 185-е үткән тәүлектә дауахананан сыҡҡан.

Зәһәр вирус рәхимһеҙ рәүештә ғүмерҙәрҙе өҙөүен дауам итә: һуңғы 24 сәғәттә унан 15 яҡташыбыҙ донъя ҡуйған.

Республикала ковидҡа ҡаршы прививканың беренсе өлөшөн 1 196 177 кеше эшләткән, икенсе өлөшөн дә яһатып, вакцинацияны тулыһынса тамамлаусылар – 1 062 182.

Фото "Башинформ"дан алынды.