2022 йылда беренсе балаға әсәлек капиталы 503 мең һум тәшкил итәсәк

2022 йылда беренсе балаға әсәлек апиталы 503 237 һум буласаҡ. Был турала Рәсәй хеҙмәт һәм халыҡты социаль яҡлау министры Антон Котяков хәбәр итте.

– Рәсәй Пенсия фонды проектында әсәлек капиталын индексациялау ҡаралған. Киләһе йылда беренсе балаға ул – 503 237 һум, икенсеһенә 665 009 һум тәшкил итәсәк, – тине ул Көнсығыш иҡтисад форумында РИА Новости мәғлүмәт агентлығына. “Әгәр ғаилә беренсе балаға әсәлек капиталын элек алған булһа, икенсеһе өсөн 161 772 өҫтәмә түләү биреләсәк”, – тип өҫтәне министр.

Әле иһә тәүге бәпес тыуғанда ғаилә 483 800 һум ала, икенсе сабый донъяға килгәндә – 639 400 һум.