Башланып китте уҡыуҙар!

Бөгөн Өфө мәктәптәрендә 15 меңдән ашыу бала тәү тапҡыр парта артына ултырҙы.

Баш ҡалабыҙҙың көслө мәктәптәренән һаналған 5-се лицей тупһаһын 246 уҡыусы беренсе тапҡыр атлап үтте. Улар ете параллель класта белем аласаҡ.

1 “б” класындағы 35 баланы тылсымлы белем донъяһына тәжрибәле педагог, Башҡортостандың атҡаҙанған уҡытыусыһы Рида Фидай ҡыҙы Ғизетдинова алып инәсәк.

Ҡояшлы, күркәм көндә күңелдәргә тантаналы рух өҫтәп башланып киткән яңы уҡыу йылы барса уҡытыусылар, уҡыусылар, ата-әсәләр өсөн уңыштарға һәм ҡыуаныстарға бай булһын!