Башҡортостан синоптиктары 1 сентябргә һауа торошон хәбәр итте

Башгидрометүҙәктән 1 сентябрҙә Башҡортостанда ниндәй һауа торошо буласағын хәбәр иттеләр.

Синоптиктар фаразынса, 1 сентябрҙә, Белем көнөндә, республикала көндөң ҡояшлы, йәйгесә йылы, яуым-төшөмһөҙ булыуы көтөлә. Төндә һауа температураһы +5, +10° була, көндөҙ +20, +25°, көньяҡта +30° тиклем күтәрелә.

Өфөлә 1 сентябргә ҡарай төндә +5, +7° тиклем һалҡынайта, көндөҙ һауа +25, +27° хәтлем йылына.