Милли чемпионатта ҡатнашҡан йәштәр юғары әҙерлек менән килгән

Ворлдкилс чемпонатында ҡатнашыусы йәштәр юғары технологиялы ҡорамалдарҙа  эшләү һәләтенә эйә. Улар программа ярҙамында идара итә торған станоктарҙы ла яҡшы үҙләштергән. Конкурста егеттәр һәм ҡыҙҙар машиналар эшләү тармағына кәрәкле деталдәр етештерҙе. 

Билдәле булыуынса, чемпионатта яңы һөнәр үҙләштереүсе йәштәр ҙә, эксперттар ҙа ҡатнаша. Шундай эксперттарҙың береһе Павел Тимошев йәш профессионалдарҙың хеҙмәтенә юғары баһа бирҙе.

• Чемпионатта ҡатнашҡан һәр кем заводҡа килеп ошондай кимәлдәге станок артына баҫып, ҡуйылған бурысты үтәй ала. Йәғни был сарала әҙер профессионалдар үҙ-ара көс һынаша. Чемпионатҡа эләгеү һәм юғары кимәлдәге ҡорамалдарҙа эшләү өсөн ныҡлы әҙерлек һәм белем талап ителә. Конкурсанттарға ошоноң барыһын да белеүҙән тыш, тулҡынланыуын еңеп бәйге һынауҙары аша ла үтергә кәрәк.

Әйткәндәй, милли чемпионатҡа бирелгән ҡорамалдарҙың барыһы  юғары технологиялы.