Тынды ҡурғыс эҫе ҡасан бөтөр?

Гисметео мәғлүмәттәре буйынса, ошо аҙнала һауа температураһы түбәнәйә башлаясаҡ.

Аҙнаның тәүге яртыһында әле эҫе – көндөҙ 32 градустан 35 градусҡа тиклем булыуы көтөлә. Йомаға көндөҙ температура 28 градусҡаса төшәсәк, төндәр ҙә һалҡыныраҡ буласаҡ. Урыны менән ямғыр яуыуы һәм йәшен йәшнәүе ихтимал.

Йәйҙең һуңғы ял көндәрендә – 28 һәм 29 августа республикала яуым-төшөмһөҙ һауа торошо фараз ителә, көндөҙ – 20 градус, төнөн 13 градустан 16 градусҡа тиклем йылы буласаҡ.

Артабанғы аҙна шулай уҡ сыуаҡ буласаҡ, ләкин ҡояш улай көйҙөрмәйәсәк, 27 градусҡа тиклем йылытасаҡ. Ҡыҫҡа ваҡытлы ямғырҙар яуыуы мөмкин.

Фото "Башинформ"дан алынды.