Ике йәшлек сабый һыуҙа батҡан

Ҡотҡарыусылар, сабый өс йәшлек туғаны менән һыу буйына барған, яндарында өлкәндәр булмаған, тип фаразлай.

Фажиғә Саҡмағош районының Тайнаш ауылы янындағы Базы быуаһында була. Ике сабый үҙҙәре генә һыу буйына төшә. Был урын һыу инеү өсөн ҡулайлаштырылмаған, яҡын-тирәлә шуға кеше булмай.

Баланың кәүҙәһен полиция хеҙмәткәрҙәре сығарған. Әле тәфтиш органдары фажигәгә килтергән ваҡиғаларҙы асыҡлай.