Янғын йәшендән сыҡҡан

Бөткән ауылды тергеҙеү ниәтендә һалынған дүрт йорттоң икәүһе янып киткән.

Хәйбулла районында бөткән Бәләкәй Әбеш ауылы урынында һалынған дүрт йорттоң икәүһе янып киткән. Көслө йәшен сәбәпсе быға, тип фаразлай урындағы халыҡ.

Ошондай уҡ хәл Бөрөлә була.

Социалистик урамында урынлашҡан ике ҡатлы йортҡа йәшен һуға. Янғын һүндереүселәр килеп еткәндә, ике йортто һәм ишек алдындағы ҡаралтыларҙы ут ялмаған була. Ике сәғәттән генә 15 берәмек техника һәм 30 кеше ярҙамында янғын һүндерелә.