"Аҫылташ" форумы эш башлай

Бөгөн Йылайырҙа "Аҫылташ" мәғариф йәштәр форумы асыла.

Ул 8 авгусҡа тиклем эшләйәсәк. Форумға, йылдағыса, дәртле, үҙенсәлекле фекерле, маҡсатлы, заман менән бергә атлаған йәштәр йыйыла.

Унда ҡатнашыусыларҙы спикерҙар менән ҡыҙыҡлы осрашыуҙар, грант проекттарын төҙөү, уларҙы яҡлау һәм еңеү яулау нескәлектәре тураһында лекциялар, уңышлы булыу серҙәренә өйрәнеү мәктәптәре көтә. Республиканың төрлө төбәктәренән килгән маҡсатлы йәштәр менән танышыу һәм аралашыу файҙалы һәм фәһемле буласаҡ, тип белдерә форумды ойоштороусылар.