Был юлы – алтын һәм бронза

Токиола барған Йәйге Олимпия уйындарының ун беренсе көнөнә (3 августҡа ҡарата) Рәсәй 52 миҙал менән – шуларҙың 13-ө алтын – йыйылма  командалар араһында 5-се урынды һаҡланы.

Кисә Рәсәй спортсылары 2  миҙал яуланы – алтын һәм бронза.

Грек-рим көрәшендә Муса Евлоев әрмән спортсыһы Артур Алексанянды еңде һәм  алтын миҙал алды.

Бронза миҙалға спорт гимнастикаһында Никита Нагорный лайыҡ булды.

Миҙалдар һаны буйынса алда Ҡытай бара – йәмғеһе 69 миҙал, шуларҙың 32-һе – алтын. Артабан АҠШ (73 миҙал, 24-е алтын), Япония (36 миҙал, 19-ы алтын) һәм Австралия (33 миҙал, 14-е алтын) командалары килә.