134 кеше батҡан

Һыу үҙ ҡорбандарын йыйыуҙан туҡтамай.

Быйыл йылға-күлдәрҙә 134 кеше батып үлде, шул иҫәптән 16 бала, тип хәбәр итә Ғәҙәттән тыш хәлдәр буйынса республика комитетының матбуғат хеҙмәте.

Бөгөн Кушнарен районының Ҡаңлы ауылы эргәһендәге күлдән йәш кешенең үле кәүҙәһе сығарылған.

Кисә Өфөлә Ағиҙел буйында ҡотҡарыусылар батып барған 33 йәшлек ҡатынды һәм 35 йәшлек ирҙе ярға сығара. Ә Мәләүез районында Ҡаран ауылы эргәһендә батып барған 25 йәшллек егетте ярҙағылар ҡотҡарып ҡала.

Һыуға батыусылар күпселек осраҡта эскән булған.