Олимпия миҙалының хаҡы күпме?

Билдәле булыуынса, Олимпия чемпиондарына һәм призерҙарына ярайһы ҙур ғына дәүләт премиялары ҡаралған.

Рәсәй Федерацияһының спорт министры Олег Матыцин белдереүенсә, Токионан миҙалдар менән ҡайтҡан спортсылар ҙа мәхрүм булмаясаҡ. Алтын миҙал өсөн – 4 миллион, көмөш миҙалға – 2,5 миллион, бронзаға 1,7 миллион түләү билдәләнгән. Бынан тыш, һәр төбәк үҙ премияларын булдырған.

Башҡортостанда, мәҫәлән, олимпия, паралимпия һәм сурдлимпия уйындарында еңеүселәргә - 2 миллион, икенсе һәм өсөнсө урындар өсөн – 1,5 һәм 1 миллион һум аҡса бирелә.