Республикала тағы ете кеше коронавирустан үлгән

Башҡортостанда 29 июлгә ҡарата коронавирус инфекцияһын йоҡтороуҙың 259 яңы осрағы теркәлгән. Пандемия башланғандан алып 47 738 сирле асыҡланған, тип хәбәр итә республиканың оператив штабы.

Тәүлек эсендә коронавирустан ете үлем осрағы теркәлгән. Мәрхүмдәр һаны 755-кә еткән.

Бер тәүлектә 156 пациент дауахананан һауығып сыҡҡан. Һауыҡҡандарҙың дөйөм һаны — 43 900. Бөгөнгә коронавирустан вакцинаның тәүге компонентын 905 502 кеше алған, 635 804 кеше иһә вакцинацияны тулыһынса тамамлаған.