Эльбрустан тағы бер рекорд

Рәсәй көс экстримы Федерацияһының Почетлы президенты, “Рәсәйҙең иң көслө кешеһе” титулын йөрөтөүсе Эльбрус Ниғмәтуллин тағы бер рекорд ҡуйҙы.

47 йәшлек спортсы оҙайлы әҙерлектән һуң 1476 килограмм ауырлыҡтағы вертолетты күтәрә. Был трюктың донъяла аналогы юҡ.

Ошо рекорды менән Рәсәйҙең олимпия командаһына дәрт бирергә теләүе тураһында белдергән Эльбрус Ниғмәтуллин.

Әйткәндәй, йәйге Олимпиада-2020 бөгөн, 23 июлдә, Токиола старт ала.