Бер тәүлектә 248 кеше ауырыған

Үткән тәүлектә Башҡортостанда коронавирусты 248 кеше йоҡторған. Оператив штабтан хәбәр итеүҙәренсә, 6 кеше йоғошло сирҙән вафат булған.

Шулай итеп, республикала вирус ҡорбандары 712-гә етте. Әле 629 пациент – дауаханаларҙа, 2241-е амбулатор шарттарҙа дауалана. 61 кеше ауыр хәлдә, һигеҙе үпкәне яһалма елләтеү аппаратына тоташтырылған. Тәүлек эсендә 276 ауырыу һауыҡҡан.

Һуңғы тәүлектә сир таралыу осраҡтарының күбеһе Өфөлә (59), Октябрьский (30), Нефтекама (17) ҡалаларында һәм Әлшәй районында (14) теркәлгән.

Республикаға йәмғеһе 996 280 доза вакцина килтерелгән. Уның тәүге компонентын 844 531 кеше алған (килгән вакцинанның - 84,8%), икенсе компонентын 531 143 кеше яһатҡан (килгән вакцинанның - 53,3%, беренсе этапты үткәндәрҙең - 62,9%).