Республикала Конституция суды ғәмәлдән сыға

2020 йылдың ноябрендә Дәүләт Думаһы депутаттары ҡабул иткән законға ярашлы, 2023 йылдың 1 ғинуарына тиклем төбәк Конституция судтары бөтөрөлөргә тейеш.

Шул уҡ ваҡытта Рәсәй субъекттары конституция советтарын булдырыу мөмкинлегенә эйә. “Башҡортостан Республикаһының Конституция судын бөтөрөү һәм яңы дәүләт органын булдырыу өсөн республика Конституцияһына үҙгәрештәр индерергә кәрәк. Әлеге ваҡытта төҙәтмәләр әҙерләнә, уларҙы быйыл көҙ ҡарау күҙаллана”, - тип белдерә Башҡортостан Дәүләт Йыйылышы – Ҡоролтай рәйесе Константин Толкачев.