+31 °С
Облачно
75 лет Победы
Бөтә яңылыҡтар

Халыҡ-ара саралар республикаға килеүсе туристар һанын арттыра

Фольклориада байрамы осоронда Башҡортостанға  60 мең тирәһе турист килгән. Билдәләп китеүебеҙсә, халыҡ-ара сара республиканың  туристик имиджын күтәреүгә бер этәргес бирҙе. Башҡортостанды хәҙер күп илдәрҙә танып беләсәктәр.

Халыҡ-ара саралар республикаға килеүсе туристар һанын арттыра

Фольклориада байрамы осоронда Башҡортостанға  60 мең тирәһе турист килгән. Билдәләп китеүебеҙсә, халыҡ-ара сара республиканың  туристик имиджын күтәреүгә бер этәргес бирҙе. Башҡортостанды хәҙер күп илдәрҙә танып беләсәктәр.

Фестивалдең төп иғтибары республиканың бай мәҙәниәтенә, халыҡтар ижады һәм төрлөлөгенә, этнография туризмына йүнәлтелгән. Был хаҡта Башҡортостандың туризм буйынса дәүләт комитеты рәйесе Эльвира Туканова белдергән.

Комитет биргән мәғлүмәттәргә ҡарағанда, фольклориада осоронда баш ҡалабыҙ Өфөгә һәм муниципаль райондарға 57 мең 845 турист килгән. Сит төбәктәрҙең сәйәхәтселәре башлыса Башҡортостандың тәбиғәт һәйкәлдәрендә булған.

  • 37 ил һәм Рәсәй төбәктәренән килгән туристар Башҡортостанға мотлаҡ әйләнеп ҡайтыр тигән ышаныс бар. Бөтә донъя фольклориада тигән сара туризмдың үҫешенә этәргес бирә. Сараның йәй мәлендә, сәйәхәт турҙарының иң ҡыҙған осоронда булыуы беҙҙең музейҙарҙың, инфроструктура объекттарының, персоналдың ҙур кимәлдәге туристар ҡабул итеү мөмкинлеген күрһәтте, - тигән Башҡортостандағы Рәсәй туризм индустрияһы берлеге етәксеһе Кинйә Ҡускилдин.

Былтыр республикаға 2 миллион тирәһе турист килгән. Быйыл иһә Рәсәй һәм халыҡ-ара кимәлдәге саралар арҡаһында Башҡортостанға килеүсе сәйхәтселәр иҫәбе 25-30 процентҡа артыр тип күҙаллана. Әгәр ҙә пандемия булмаһа, был сараның әһәмиәте  ҙурыраҡ, туристар һаны тағы ла күберәк  булыр ине.

Автор:Гөлнур Ишбулатова