Төркиәгә тура рейстар асыла

Рәсәй менән Төркиә араһында авиабәйләнештәр яңынан 22 июндә тергеҙелгәйне.

21 июлдән “Өфө” халыҡ-ара аэропортына “Төрөк авиалиниялары” компанияһының самолеттары оса башлай. Был хаҡта авиакомпанияның рәсми сайтында хәбәр ителә. Унда бирелгән расписаниегә ярашлы, тура рейстар дүшәмбе, шаршамбы һәм йома көндәре ҡаралған. Осоу ваҡыты 4 сәғәт тә 25 минут тәшкил итәсәк. Эконом-класта билет хаҡы 23 мең һумдан башлана.