Аллаһ Тәғәлә һаҡлағандыр

Әсә менән ҡыҙ машина аҫтына саҡ эләкмәй ҡала.

Өфөнөң Ленин урамынан хәрәкәт иткән «Рено Дастер» автомашинаһы «Экватор» сауҙа үҙәге тапҡырында ҡапыл тротураға сыға һәм йәйге  кафеға төкөй. Был мәлдә ваҡиға урынында әсә менән ҡыҙ торған була. Улар идараһын юғалтҡан машинанан һуңғы секундта ситкә тайпылып өлгөрә һәм оло бәләнән ҡотолоп ҡала.

ЮХХДИ хеҙмәтенән хәбәр итеүҙәренсә, водитель айыҡ булған. Әле юл хәрәкәте ваҡиғаһына алып килгән сәбәптәр тикшерелә.