Нәсимә менән Азамат Тимеровтарҙың ейәне тыуҙы!

Тимеровтар яҡлап исем-шәрифте дауам итеүсе тәүге ейәнебеҙ ҙә ул! Улыбыҙға, бер ҡайҙа ла бәпес тыуғанын хәбәр итмә, тиһәк тә, үҙ сәхифәһенә матур яҙма һалған икән, төрлө ерҙән ҡотлауҙар, смс-хәбәрҙәр, шылтыратыуҙар яуа башланы, шундайын ҙур шатлыҡты бөтә донъя менән бүлешәһе килгәндер инде балаҡайымдың! – ти, һөйө­нөстәре менән уртаҡлашып, бәхетле өләсәй, Башҡортос­тандың атҡаҙанған артисы Нәсимә Тимерова. Тимеровтарҙың баш балаһы Урал менән күп балалы ғаиләлә иң кесеһе – һиге­ҙенсе бала булған Ҡырмыҫҡалы районы Иҫке Бәпес ауылы ҡыҙы Земфира Фәрит ҡыҙының өйләнеш­кәндәренә – дүрт йыл. Журналыбыҙ биттәрен биҙәгән Земфира Байдәүләтова – «Һылыуҡай-2017» конкурсы еңеүсеһе, Тыва Республи­каһында үткән халыҡ-ара гүзәллек бәйге­һендә «Азия һылыуҡайы – 2017» титулын яулаусы. Йәш ата-әсәне ысын күңелдән иң бәхетле миҙгелдәре менән ҡот­лайбыҙ! Төклө аяҡтарың менән ырыҫлы булып кил, бәпес!

Әйткәндәй, йырсы Рәүеф Иҫәнсурин да атай булыу шат­лығын кисерҙе. Уға кәләше Асия шулай уҡ ул бүләк итте. Ә төрлө музыка ҡоралдарында уйнаусы виртуоз музыкант Зәйнетдин иһә атай булырға йыйына ғына әле. Ул был һөйөнөслө хәбәре менән социаль селтәрҙәрҙә бүлешеп, видео һалған.