-3 °С
Болотло
Антитеррор
Бөтә яңылыҡтар
Йондоҙло яңылыҡтар
4 Февраль 2023, 12:10

Юлай Үҙәнбаевтың һөйөнөсө

Йырлы-моңло апалы-ҡустылы бер туған Үҙәнбаевтар өсөн дә йыл матур тәьҫораттар менән башланды. РФ-тың атҡаҙанған, БР-ҙың халыҡ артисткаһы Тәнзилә Үҙәнбаева үҙенең 70 йәшлек юбилейын билдәләһә, «Аҡсарлаҡлы күл», «Устарыма һал һин йөрәгеңде», «Йылғалар төнөн һөйләшә», «Кис ултырып ҡыҙҙар сигеү сигә», «Аҡ болоттар» кеүек халыҡ һөйөүен яулаған үлемһеҙ йырҙар авторы, композитор, Ш.Бабич исемендәге республика дәүләт йәштәр премияһы лауреаты, БР-ҙың атҡаҙанған сәнғәт эшмәкәре Юлай Үҙәнбаев иһә «Башҡортостандың халыҡ артисы» тигән юғары исемгә лайыҡ булды.

Юлай Үҙәнбаевтың һөйөнөсө
Юлай Үҙәнбаевтың һөйөнөсө

Һөйөнөсөн ул журналыбыҙ уҡыусыларына еткерергә ашыға: «Көтөлмәгән ҙур исем, ысын мәғәнәһендә, байрам бүләге булды! Яңы йылда ғаилә табыныбыҙға дуҫтарҙы йыйҙыҡ һәм 2023 йылды өр-яңы шатлыҡ менән ҡаршыланыҡ. Әлбиттә, был юғары баһа миңә оло яуаплылыҡ та өҫтәне, сөнки сейле-бешле әйберҙәр яҙыу – ижадкәр өсөн иң ҡурҡыныс күренеш, яҙғаның берәү, әммә шәп һәм берәгәйле булһын, тигән фекерҙәмен. Йөрәктәрҙе семетеп алыр илаһи йыр хаҡында хыялланғанда хистәреңә тап килгән мәғәнәле, моңло, камил шиғыр табыу мөһим. Шунда ғына композитор менән шағирҙың шәп тандемы барлыҡҡа килә. «Илһамиә»нең күңел баҡсаңа ҡунып һайрауына, әлбиттә, ғаиләңдең, туғандарыңдың һау-сәләмәт, бәхетле булыуы, күктәрҙең аяҙлығы, ныҡлы тыл, ысын дуҫтар барлығы ла ҙур этәргес бирә», – ти композитор.

Автор:Айзилә Мортаева
Читайте нас: