+12 °С
Болотло
Антитеррор
Бөтә яңылыҡтар
Йөрәк дәрестәре
31 Ғинуар , 15:12

Зәңгәр күлдәк

Зөлфирә эштән ҡайтышлай көн дә тиерлек туҡталыш янындағы затлы кейемдәр магазинына һуғылырға ғәҙәтләнде. Бөгөн, ике ҡулына ике ауыр пакет күтәргән хәлдә, тура өйөнә ҡайтһа ни була, тик аяҡтары үҙенән-үҙе шул кибет яғына алып китте: торамы икән уның хыялындағы күлдәк, берәйһе һатып алманымы икән? Теүәл бер ай элек магазин витринаһы янынан үткәндә манекенда зәңгәр һауа төҫөндәге күлдәкте күреп, йүгерә-атлай китеп барған еренән шып туҡтағайны.

Зәңгәр күлдәк
Зәңгәр күлдәк

Йәне генә юҡ ине был күлдәктең, хатта уны кейгән манекен да тере һымаҡ. Түҙмәне, инде, шундай уҡты, тик 48-се үлсәмлеһен бирегеҙ, тип һораны. Елферҙәп торған ебәкте һаҡ ҡына һыйпап, наҙлы йылыһын ҡулдарында тойоу менән кәйефе үҙенән-үҙе күтә­релеп китте. Күлдәкте уға үлсәп теккәндәрме ни, ә зәңгәрлеге йөҙөн нисек аса, аяҙ күк кеүек күҙҙәренә ниндәй балҡыш бирә!
Зөлфирә резинкаға йыйған сәсен яурынына таратып ебәрҙе. Йә Хоҙай, минме был, тип хайран ҡалды ул, көҙгөлә 55-ен тултырған, дүрт ейәнле өләсәйҙе түгел, күп тигәндә 35-40 йәшлек һылыуҙы күреп. Күлдәкте сискеһе килмәйенсә әллә күпме көҙгө алдында баҫып торҙо: «Уны кейгән килеш кенә сығып китергә лә үҙеңде донъялағы иң гүзәл ҡатын итеп тойорға ла бит, хаҡы һуң ниндәй – тотош авансҡа торош!»
Шул саҡ телефон шылтырауы уны ысынбарлыҡҡа ҡайтарҙы. «Ҡайҙа оҙаҡлап йөрөйһөң? Өйҙә ашарға бер ни юҡ!» – тине ире нәфрәтле тауыш менән.

Рауил ШӘЙХЕЛИСЛАМОВ һүрәте.

Мәҡәләнең тулы вариантын журналдың 1-се (2024) һанында уҡығыҙ.

 
Автор:Альмира Кирәева
Читайте нас: